کنڈیارو: تعلقہ کنڈیارو میں گزشتہ تین ماہ گزر جانے کے باوجود تعلقے کے اہم ریونیو محکمے میں مختیارکار کی سیٹ خالی پڑی ہے۔ سندھ کے ریونیو محکمے نے ضلع کے مختلف تعلقوں میں مختیارکاروں کی تقرری تو کر دی، لیکن کنڈیارو تعلقہ میں ابھی تک تقرری نہیں ہو سکی، جس کے باعث کھاتہ دار شدید پریشانی کا شکار ہیں۔
کھاتہ داروں نے احتجاج کرتے ہوئے کہا کہ کنڈیارو تعلقہ میں تین ماہ سے مختیارکار نہ ہونے کی وجہ سے داخلہ فردی سمیت دیگر متعلقہ کام متاثر ہو رہے ہیں۔ ریونیو ڈپارٹمنٹ کی جانب سے تین ماہ سے مختیارکار مقرر نہ کرنے کے باعث کھاتہ داروں اور شہریوں کو مشکلات کا سامنا ہے۔
انہوں نے منتخب نمائندوں اور ریونیو محکمے کے اعلیٰ حکام سے مطالبہ کیا کہ تین ماہ سے کُنڈیارو میں مختیارکار مقرر نہ ہونے کا نوٹس لیا جائے اور فوری طور پر مختیارکار تعینات کر کے کھاتہ داروں کی پریشانی کا ازالہ کیا جائے۔
