اسلام آباد: وفاقی وزیر منصوبہ بندی اور مسلم لیگ (ن) کے رہنما احسن اقبال نے کہا ہے کہ 27ویں آئینی ترمیم کے خلاف اعتراضات محض "مخالفت برائے مخالفت” ہیں۔ ان کے مطابق اس ترمیم سے عدلیہ کمزور نہیں ہوگی۔

انہوں نے وضاحت کی کہ میثاقِ جمہوریت میں پہلے ہی یہ نکتہ شامل تھا کہ وفاق کو مضبوط کرنے کے لیے آئینی عدالتوں کا قیام کیا جائے، جن میں تمام صوبوں کے جج شریک ہوں گے۔

احسن اقبال نے کہا کہ ماضی میں کسی نے یہ نہیں کہا کہ میثاقِ جمہوریت کی یہ شق عدلیہ کی آزادی سلب کرنے والی ہے، لیکن آج وہی لوگ 27ویں ترمیم کو عدلیہ پر حملہ قرار دے رہے ہیں۔