بھارتی اداکار ارجن رامپال نے اپنی پارٹنر گیبریئیلا ڈیمیٹریاڈس کے ساتھ 6 سالہ رفاقت کے بعد منگنی کی تصدیق کردی۔ یہ انکشاف حال ہی میں ریا چکرورتی کے پوڈکاسٹ میں گفتگو کے دوران ہوا، جہاں بات چیت غیر متوقع طور پر رشتوں اور شادی کے موضوع پر آگے بڑھی۔

گفتگو کے دوران گیبریئیلا نے محبت اور والدین بننے کے تجربے پر کھل کر بات کی۔ انہوں نے کہا کہ محبت اکثر شرائط کے ساتھ آتی ہے، لیکن جب آپ کے بچے ہوں تو یہ ممکن نہیں ہوتا۔ انہوں نے مزید کہا کہ وہ ارجن کے پیچھے صرف اس لیے نہیں گئیں کہ وہ خوبصورت ہیں، اور امید ہے کہ ارجن نے بھی ان کے بارے میں ایسا نہیں سوچا ہوگا۔

اس پر ارجن رامپال نے ہنستے ہوئے جواب دیا کہ وہ گیبریئیلا کے پیچھے اس لیے گئے کیونکہ وہ خوبصورت تھیں، لیکن بعد میں انہیں احساس ہوا کہ ان میں خوبصورتی کے علاوہ بھی بہت کچھ ہے۔ اسی دوران گیبریئیلا نے کہا کہ ہم شادی شدہ نہیں ہیں، لیکن کون جانتا ہے؟ جس پر ارجن رامپال نے فوراً کہا کہ ہم منگنی کر چکے ہیں، یہ سن کر ریا چکرورتی بھی حیران رہ گئیں۔